Маңғыстау облысында Отан алдындағы әскери борышын орындау кезінде қаза тапқан әскери қызметшілерді соңғы сапарға шығарып салу рәсімі өтті.
Қаралы жиынға марқұмдардың туған-туыстары мен жақындары, әскери қызметшілер, жергілікті атқарушы органдардың өкілдері және азаматтар қатысты. Қаза болған жауынгерлердің денелері туған жерлеріне жеткізіліп, олармен қоштасу рәсімі ұйымдастырылды.
Қоштасу кезінде әскери қызметшілерге әскери құрмет көрсетілді. Марқұмдардың рухына Құран бағышталып, олардың туған-туыстары мен жақындарына көңіл айтылды.