Алматы облысында арнайы комиссия сотталғандарды жеке қабылдады

Алматы қаласы, Алматы және Жетісу облыстары бойынша ҚАЖД басшылығы, қоғамдық бақылау комиссия басшылары, денсаулық сақтау басқарма басшысы және мекемелердегі медициналық қызметке жауапты қызметкерлер №12 мекеменің сотталғандарын жеке қабылдады.

Сотталғандардың арыз-шағымдарына байланысты, мекеменің дәрігерлік амбулаторияларын дәрі-дәрмекпен қамтамасыз ету, мамандандырылған медициналық көмекке мұқтаж сотталғандарға кеңес беру, диагностика және емдеу мәселелері қаралды.

Сондай-ақ, арнайы медициналық комиссияның куәландыруына жататын ауыр науқас сотталғандардың құжаттарын уақытылы ұсыну мәселелері шешілді.

Қабылдаудан кейін, Денсаулық сақтау басқармасының басшысы штаттық жасақтау және медицина мекемелеріндегі арнайы палаталардың кеңейтілу мәселесін өз құзырына алды.