Ольга Шишигинаның қатысуымен әйелдер колониясында спартакиаданың жабылуы өтті

Кәсіби спортшылармен титулды чемпиондар Алматы және Жетісу облыстары бойынша ҚАЖД №10 мекемесінде "FANTASY SPARTAKIADA-2024" жазғы спартакиадасының салтанатты жабылуына қатысты.

Қазақстандық жеңіл атлет, Олимпиада чемпионы және жабық үй-жайларда 100 метрге кедергілермен жүгіруде әлем чемпионы, V-VI шақырылымдағы Қазақстан Республикасы Парламенті Мәжілісінің депутаты Ольга Шишигина, әлемдік біріншілікте каратэден абсолютті әлем чемпионы, КСРО Халықаралық дәрежедегі спорт шебері Закир Тохтиев, Дін Істері Басқармасының теологы Әйгерім Ақбергенова, ҚАЖ ардагерлер кеңесінің төрағасының орынбасары Оксана Калинина, ҚАЖ зейнеткері Омаржан Тоқтиев, "Azamatsha.kz" қайырымдылық қорының директоры Мадина Сауытбекова және басқа да қонақтар спорттық элементтері бар би концерт-конкурсына қатысып, жеңімпаздарды грамоталармен, медальдармен, кубоктармен және бағалы сыйлықтармен марапаттады.

"Біз мекемеге алғаш рет келіп отырмыз, жасыратын ештеңе жоқ концерттің ұйымдастырылуына, қатысушылармен көрермендердің ауқымдылығына және, әрине, бидің керемет қойылымына таң қалдық. Әйелдерге зор денсаулық және тезірек босатылып шығуларын тілейміз", - деп атап өтті Олимпиада чемпионы Ольга Шишигина.

"Мұндай іс - шараларға кәсіби спортшылардың қатысуы салауатты өмір салтын таңдауға ынталандыру ғана емес, сонымен қатар сотталған әйелдер арасында мәдениет пен спортты дамытуда жақсы үлгі болып табылады", - деп атап өтті ҚАЖД бастығының м.а. Бақытжан Шәріпбеков.