"KitapFest-2026": Цифрландыру мен шығармашылық тағысқан алаң

21-22 наурыз күндері Алматы қаласының Арбат алаңында Наурыз мейрамына орай жыл сайынғы «KitapFest-2026» кітап фестивалі өтеді.

Екі күнге созылатын бұл мәдени шара дәстүр мен заманауи технологияны ұштастырып, қала тұрғындары мен қонақтарына ерекше рухани кеңістік ұсынады.

Фестиваль аясында 40-тан астам баспаның кітаптары ұсынылып, келушілер жаңа туындылармен танысып, оларды қолжетімді бағамен сатып ала алады.

Бағдарламада белгілі ақын-жазушылармен кездесулер, ашық сұхбаттар мен пікір алмасу алаңдары қарастырылған. Сонымен қатар, ұлттық қолөнерге арналған шеберлік сабақтары ұйымдастырылып, қатысушылар дәстүрлі өнердің қыр-сырын меңгере алады.

Фестивальдің басты жаңалықтарының бірі – «Smart Yurt» интерактивті алаңы. Мұнда сирек кітаптар көрмесі, кітаптарды цифрландыру үдерісі таныстырылып, заманауи технологиялардың мүмкіндіктері көрсетіледі. Сондай-ақ, келушілер VR-көзілдірік арқылы виртуалды саяхат жасап, AI-фотобудкада ерекше естелік суреттерге түсе алады.

Фестиваль барысында Алматы Кітапханаларының мобильді қосымшасы таныстырылып, қаладағы автономды өзіне-өзі қызмет көрсету аппараты ұсынылады.

Фестивальдің мерекелік атмосферасын концерттік бағдарлама толықтырады. Домбыра үні мен әсем ән ерекше көңіл-күй сыйлап, әрбір қонаққа жарқын әсер қалдырады.

Өтетін орны мен уақыты: Алматы қ., Арбат алаңы, 21-22 наурыз 2026 жыл, сағат 10:00-18:00 аралығы