Алматы облысында азық-түлік кластері аясында "Segmenta" зауыты іске қосылды

Shin-Line Group компаниялар тобының ауқымды азық-түлік кластері аумағында тағамдық хош иістендіргіштер, кешенді тағамдық қоспалар мен панировка қоспаларын өндіретін заманауи халықаралық кәсіпорын - «Segmenta» компаниясының жаңа зауыты ресми түрде ашылды.

Жаңа нысанның іске қосылуы Shin-Line Group компаниялар тобының Қазақстанда азық-түлік кластерін құру жөніндегі стратегиялық жобасын жүзеге асырудағы маңызды қадам болды. Жоба 300 млрд теңгеге дейін шетелдік инвестиция тартуға, шикізатты терең өңдеуге, экспорт көлемін арттыруға және жоғары технологиялық жұмыс орындарын ашуға бағытталған.

Кластер өнімнің әрбір түрін өңдеуге қойылатын қатаң талаптарды ескере отырып жобаланған. Оның негізгі мақсаты - қосылған құны жоғары өнім өндіруге арналған инфрақұрылымды қалыптастыру және елдің азық-түлік қауіпсіздігін нығайту.

«Segmenta» компаниясының жаңа кәсіпорны 3 000 шаршы метр аумақты алып жатыр. Зауыттың жылдық өндірістік қуаты 8 000 тоннаға дейін жетеді. Сонымен қатар кәсіпорын тиімді логистиканы қамтамасыз ететін жеке қойма кешенімен жабдықталған. Зауыт тәтті және гастрономиялық дәмдік профильдерге арналған сұйық хош иістендіргіштерді, сондай-ақ кешенді тағамдық қоспалар мен панировка қоспаларын өндіруге маманданған.

Кешен құрамында бірегей дәм мен хош иіс профильдерін талдауға және әзірлеуге арналған жеке ғылыми-зерттеу базасы жұмыс істейді. Өндірісте Франция, Италия, Германия, Үндістан және АҚШ сияқты елдерді қоса алғанда, әлемнің жетекші жеткізушілерінен алынатын 3 000-нан астам ингредиентті қамтитын халықаралық шикізат базасы пайдаланылады. Бұл сусындар, сүт өнімдері, кондитерлік өнімдер, нан-тоқаш өнімдері, тіскебасарлар, сондай-ақ ет және құс етін өңдеу салаларындағы өндірушілерге арналған сұранысқа бейімделген шешімдер әзірлеуге мүмкіндік береді.

Азық-түлік кластерін дамыту озық агроөнеркәсіптік технологиялар мен халықаралық тәжірибені біріктіріп, отандық және шетелдік азық-түлік өндірушілеріне арналған толыққанды экожүйе қалыптастырады.

Shin-Line Group компаниялар тобының президенті Андрей Шин бұл оқиғаның стратегиялық маңызын атап өтті:

«Азық-түлік кластерін дамыту - агроөнеркәсіптік кешенді жаңғырту, шикізатты терең өңдеу және елдің инвестициялық тартымдылығын арттыру жөніндегі мемлекеттік міндеттерді іске асыруға қосқан стратегиялық үлесіміз. Біз заманауи өндірістік және логистикалық инфрақұрылым құру үшін шетелдік инвестиция тартудамыз.

Байсеркеде «Segmenta» зауытының ашылуы - біртұтас кластер аясында қосылған құны жоғары өнім өндіретін жоғары технологиялық кәсіпорынның қалай қалыптасатынын көрсететін жарқын мысал. Кооперацияны дамыту, озық халықаралық тәжірибені тарту және негізгі ингредиенттер өндірісін жергіліктендіру арқылы біз өңірдің дамуына серпін беріп, жаңа жұмыс орындарын ашып қана қоймай, Қазақстанның азық-түлік өнеркәсібін халықаралық деңгейге көтеруге үлес қосамыз».

«Segmenta» кәсіпорнының ашылуы азық-түлік өнеркәсібіндегі отандық және шетелдік өндірушілер арасындағы кооперациялық байланыстарды нығайтып, Қазақстанның Орталық Азиядағы жетекші агроөнеркәсіптік хабқа айналуына берік негіз қалайды.

Компаниялар туралы анықтама:

Shin-Line Group - Орталық Азиядағы ең ірі балмұздақ және азық-түлік өнімдерін өндіруші компаниялар тобы. Алматы облысында ауқымды жоғары технологиялық азық-түлік кластерін құру бастамасын көтерген.

Segmenta - азық-түлік өнеркәсібіне арналған дәм мен хош иіс шешімдері және ингредиенттер өндіретін халықаралық кәсіпорын. Компанияның Қазақстандағы өндірістік алаңы жоғары сапалы хош иістендіргіштерді, дәмдеуіштер мен панировка қоспаларын әзірлеу және өндірудің толық циклін қамтамасыз етеді.