Қазақ ән өнерінің қара нары Нұрғали Нүсіпжанұлына Алматы облысының "Құрметті азаматы" атағы берілді

Бүгін ҚР халық әртісі, мемлекеттік сыйлықтың лауреаты, "Құрмет", "Парасат" ордендерінің иегері Нұрғали Нүсіпжанұлы ағамыздың туған күні.

Осы орайда ән өнерінің дарабозын Алматы облысының әкімі Марат Елеусізұлының атынан құттықтап, облыс басшысының атынан "Құрметті азаматы" атағын табыстадық.

Ел ағасының өнері мен болмысына тәнті болып, ән әлеміне бет бұрған, тәлімін алған азаматтар бүгінде бір-бір төбе болып қалыптасқан. Халқына өшпейтін үн, өлмейтін ән сыйлаған Нұрғали ағамыздың ел мәдениетін ілгерілету жолында атқарған еңбегінің бір ғана бөлігі.

Ғұмырын қазақ музыка өнерін дамытуға арнап, халық ықыласына бөленген аңыз ағамызға мықты денсаулық, қажымас қайрат, баянды бақыт тілейміз!