Алматы облысында робототехникадан жарыс өтті

12 сəуірде Қонаев қаласындағы No10 лицейде R:Ed Fest робототехника мен бағдарламалау бойынша облыстық сайыс өтті. Жарысқа Алматы жəне Жетісу облыстарының түкпір-түкпірінен келген 60-тан астам адам қатысты.

7-17 жас аралығындағы қатысушылар сумо, сызық жəне шығармашылық санаттарында сайысқа түсіп, роботтарының тамаша қабілеттерін көрсетті.

Жарыс Арман Инжиниринг (R:ED Robotics Education), Алматы облысы білім басқармасы мен Алматы облысы цифрлық технологиялар басқармасы қолдауымен, Инженерлік білім беруді дамыту қорымен, "Қазақстан халқына" Қоғамдық қорымен ұйымдастырылды.

Шара қатысушыларға робототехника мен инженерия саласындағы жетістіктерін көрсетуіне мүмкіндік берген инновация мен техникалық шығармашылықтың нағыз мерекесіне айналды.

Робототехникадан Қонаев қаласында өткен жарыс Республикада жəне Алматы облысында жас ұрпақ арасында робототехника мен технологияға деген қызығушылықтың артып жатқанын көрсетті жəне біз R:ED Fest фестивалінің осы күзде Астанада өтетін финалын асыға күтеміз.