Қонаевтағы үйлердің жертөлесі масаға қарсы өңделуде

Қала әкімдігінің ТҮКШ бөлімінің мәліметінше, тұрғын үйлердің жертөлелерінде масаға, таракандарға, бүргелерге қарсы өңдеу жұмыстары жүріп жатыр.

Қазіргі таңда мердігер компания 2 шағын аудандағы үйлерді дезинсекциялауда, жалпы жоспар бойынша барлық тұрғын үйлерді қамту жоспарланған.

Өңдеу жүретін уақыт алдын ала Пәтер иелері кооперативтерінің басшыларына хабарлануда.

Сондай-ақ қамыс, ашық жатқан аумақтар, парктер, скверлер де назардан тыс қалған жоқ.

Мұндағы дезинсекциялаумен санитарлық-эпидемиологиялық бақылау басқармасы айналысуда.

Өңделетін аймақ 11 га-дан астам. Өңдеу жұмыстары кезең-кезеңімен жаздың соңына дейін жүреді.