Кәсіптік бағдар беру кездесулері: жоғары сынып оқушыларына ІІМ Академиясына түсу туралы айтылды

Алматы және Жетісу облыстары бойынша ҚАЖД №10 мекемесінің тәрбие және кадр жұмысы бөлімінің қызметкерлері Қарасай, Іле және Жамбыл аудандарының жоғары сынып оқушыларымен кәсіби бағдар беру кездесулерін өткізді.

Іс-шара аясында қызметкерлер Қарасай ауданының 4 мектебі мен 1 колледжіне, Жамбыл ауданының 3 мектебіне және Іле ауданының 1 мектебіне барып, 500-ге жуық оқушыны қамтыды.

Кездесулердің негізгі мақсаты - жастарды Ш. Қабылбаев атындағы ҚР ІІМ Қостанай академиясына оқуға түсу мүмкіндігі туралы хабардар ету.

9-11 сынып оқушыларына қызметтің артықшылықтары, білім беру бағдарламасы және мансаптық перспективалары туралы айтылды. Мамандықпен танысу үшін арнайы бейнеролик көрсетілді.

Бейнекөріністен кейін оқушылар өздерін қызықтырған сұрақтарын қоя алды. Мамандар түсу шарттарын, кандидаттарға қойылатын талаптарды және әлеуметтік кепілдіктерді егжей-тегжейлі түсіндірді.

Кәсіптік бағдар беру кездесулері оқушылар арасында үлкен қызығушылық тудырды. Олардың көпшілігі академияны бітіргеннен кейін оқуға түсу шарттарымен және жұмысқа орналасу мүмкіндіктерімен толығырақ танысуға ниет білдірді.