Алматы облысында жастарға құқықтық түсіндіру жұмыстары мен нашақорлықтың алдын алу шаралары жалғасуда.
Өңір полицейлері мектеп бітіруші түлектермен кәсіби бағдар беру кездесулерін өткізіп, ішкі істер органдарындағы қызметтің болашағы туралы айтып берді. Сонымен қатар, олар есірткімен күрес тақырыбында мазмұнды әңгімелер жүргізді.
Құқық қорғаушылар заңды сақтау мен әр азаматтың өз іс-әрекеті үшін жеке жауапкершілігін ерекше атап өтті. Оқушыларға Қылмыстық кодекстің және есірткіге қарсы заңнаманың нормалары түсіндіріліп, тыйым салынған заттарды сақтау, пайдалану және тарату салдарлары қандай болатыны жайында айтылды.