ҚАЖ қызметкерлері Ауғанстандағы соғыс ардагерлерімен кездесті

Алматы қаласы, Алматы және Жетісу облыстары бойынша ҚАЖД №57 мекеме қызметкерлері Ауғанстандағы соғыс ардагерлерімен кездесу өткізді.

Іс-шараны мекеме әкімшілігімен кәсіби техникалық колледж қызметкерлері бірлесіп ұйымдастырды.

Құрметті қонақтар Алматы облысы Ауған соғысы ардагерлері ұйымының төрағасы Қанат Молдабергенов пен Ауған соғысының ардагері Бақыт Сағадиев ҚАЖ қызметкерлерімен әңгімелесіп, оларға өліммен қанды шайқас және соғыс туралы көптеген оқиғалармен бөлісті.

Ардагерлер өскелең ұрпақтың патриотизмін, ерлік пен әдептілікті және адамгершілік тәрбиені насихаттады.

Мекеме қызметкерлері мен техникалық колледж оқытушылары қонақтарға жемісті кездесуі үшін алғыс айтып, сыйлықтар табыс етті.