Әлеуметтік медициналық сақтандыру қоры КЕАҚ Алматы облыстық филиалы өкілдері пациенттердің сапалы медициналық қызмет алуға құқылы екенін өңірлік коммуникациялар алаңында өткен брифингте мәлімдеді.
Баспасөз мәслихатында ана мен баланы қорғауға бағытталған маңызды бастамалардың бірі – прегравидарлық дайындық туралы айтылды. Бұл – жүктілікті жоспарлап отырған репродуктивтік жастағы әйелдер үшін ұсынылатын кешенді медициналық қызметтер пакеті.
Әрбір репродуктивтік жастағы әйел прегравидарлық дайындықтан өте алады. Бұл - жүктілікке дейінгі кезеңде қажетті тексерулер мен алдын алу шараларын тегін өтуге мүмкіндік береді. Барлық қызметтер МӘМС жүйесі арқылы қаржыландырылады.
Прегравидарлық дайындыққа мыналар кіреді: терапевт, акушер-гинеколог, тіс дәрігері, офтальмолог тексерістері;қан және зәр талдаулары; ЭКГ, УДЗ; инфекцияларға тестілеу; қажет болған жағдайда медико-генетикалық кеңес, жүктілікке дейін 3 ай бұрын табылған және бар экстрагениталды және гинекологиялық ауруларды емдеу (толық жазылуға немесе тұрақты ремиссияға жету үшін).
Бұл шаралар болашақ ананың денсаулығын нығайтуға, жүктілік кезеңін қауіпсіз өткізуге және сау ұрпақ әкелуге ықпал етеді.
Әлем желіде кең талқыланатын мәселелердің бірі – қант диабетімен ауыратын азаматтардың дәрі-дәрмекпен қамтамасыз етілуі. Жиында бұл туралы қор өкілі Жанар Кенжебаева келесі мәліметті ұсынды: